Almanna- og mentamálaráðið lýsir nú við møguleikanum at søkja um stuðul til film í 2024.
Talan er um seinna umfar, og freistin at søkja er 1. september 2024, kl.15:00.
Stuðulin kann veitast til ymsar tættir innan filmsgerð, harundir hugskots- og handritsmenning, undanframleiðslu, framleiðslu, eftirframleiðslu og útbreiðslu. Stuðulin kann verða játtaður einstaklingum, bólkum ella feløgum.
Stuðulin til film er 4,5 milliónir krónur í 2024, og eftir at býta út í hesum umfari eru umleið 2 millión krónur.
Umsóknarblað kann takast niður her.