Kunngerð um doping, dopinglistin 2025
Á hvørjum ári dagførir altjóða anti-dopingfelagsskapurin WADA sín dopinglista, t.e. yvirlit yvir hvørji evni og mannagongdir eru bannað at brúka í altjóða viðurkendum ítrótti. Antidoping Danmark týðir listan til danskt, og vit í Føroyum brúka donsku týðingina sum skjal til eina nýggja kunngerð árliga.
Antidopingarbeiðið í Føroyum er løgskipað í løgtingslóg nr. 88 frá 7. juni 2020 um doping og óreiðiliga ávirkan í ítrótti, og við heimild í § 2 í løgtingslógini er Ítróttasamband Føroya góðkent at vera dopingeftirlit í Føroyum.
Fyri at dopingeftirlitisfelagsskapurin lógliga kann fremja dopingeftirlit í Føroyum, skal landsstýrismaðurin sbrt. § 1 í løgtingslógini áseta, hvørji evni og hvørjar atferðir eru at rokna sum doping.
Hesar reglur eru ásettar í galdandi kunngerð nr. 166 frá 19. desember 2023. Í kunngerðini verður ásett, at sum doping verða roknað tey evni og tær atferðir, ið eru lýst í skjali 1, ið er galdandi dopinglistin hjá WADA. Av tí at listin verður dagførdur hvørt ár, er árliga tørvur á, at skjal 1 verður skift út við nýtt skjal við dagførda listanum. Dagføringin, ið nú verður gjørd, snýr seg tí um, at dopinglistin fyri 2024 verður skiftur út við dopinglistan fyri 2025.
Aðrar broytingar verða ikki gjørdar í kunngerðini.
Uppskot Til Kunngerð Um Doping Dopinglistin 2025 